Cunha ampla experiencia no campo da xestión, David Fernández dirixe Digamel, unha empresa con sede social en Pontevedra e preto de 150 empregados en sete puntos de venta con delegacións en Vigo, O Porriño, Vilagarcía, Santiago, Pontevedra e A Coruña. O Grupo Digamel distribúe material eléctrico de baixa e media tensión a toda Galicia. Ademais, como membro fundador de Fegime, a firma pontevedresa brinda cobertura a toda a xeografía española con máis de 100 puntos de venda.
- ¿Cómo foi a traxectoria da súa empresa? A empresa comezou a súa andaina hai 30 anos da man do meu pai, Manuel Fernández Rodríguez en Vilagarcía. Pouco a pouco a compañía foi crecendo, cambiando de sede e incorporando xente e planteouse a posibilidade de comezar a actividade na capital de provincia. Posteriormente abrimos a nosa sede en Vigo e fomos crecendo en tódolos aspectos: persoal, capacidade de servizo e número de clientes. Tamén compramos unha compañía en Santiago e máis tarde adquirimos a firma Electrocoruña, na cidade herculina, operación que permitiu consolidar a posición de Digamel no norte de Galicia e no panorama español de distribución de material eléctrico.
-¿Para qué sectores traballa Digamel? Os nosos principias clientes son os instaladores eléctricos e organismos oficiais como concellos. En Digamel dispoñemos de seis naves dotadas das máis modernas instalacións e cunha loxística que acada a máxima precisión e rapidez na resolución dos pedidos. Dende a creación da empresa, temos realizado unha forte inversión apostando pola tecnoloxía con especial fincapé na dotación de equipos informáticos e un software de última xeración. Por outra banda, temos unha ampla gama de produtos con preto de 50.000 referencias das marcas punteiras do mercado.
-¿O mercado no Norte de Portugal é un mercado preferente para vostede? O mercado do norte do país veciño o tocamos desde que estamos en Vigo. Seguro que acabaremos implantándonos nese territorio abrindo unha delegación propia. De tódolos xeitos, a inauguración hai unhas semanas do noso novo punto de venta no Porriño supón establecernos nun enclave loxístico que nos permitirá liderar a eurorrexión que conforman Galicia e o Norte de Portugal.
- ¿Un sector en permanente proceso de cambio cómo logrades seguir sendo competitivos? Os sectores cambian moi rápido e a desaceleración do sector da construción por isotraballamos moito en domótica, porque os promotores teñen que darlle as vivendas valor engadido. Tamén a rehabilitación, xa que hai moitas vivendas que teñen instalacións moi antigas e os nosos clientes ocúpanse da renovación desas redes (co noso material e asesoramento). Dende hai un ano apostamos polas enerxías renovables e somos unha das que máis ten facturado en venta de paneis fotovoltaicos. Este é un dos eixes da nosa empresa que nos permite ser unha das compañías españolas con maior especialización na venda deste tipo de paneis, traballando para toda a península. O que está claro é que temos que estar preparados para cambiar constantemente. Temos dende o principio moitos enxeñeiros técnicos, arredor de 30 no noso cadro de persoal, que fan o labor de asesoramento apoio e venda ao cliente, algo que nos diferenza do resto.
PERFIL: UNHA TRAXECTORIA LABORAL FORXADA NA EMPRESA FAMILIAR